හඳුනානොගත් මළසිරුර (5 පරිච්ඡේදය) - Whose Body? By, Sayers, Dorothy Leigh

හඳුනානොගත් මළසිරුර

5 පරිච්ඡේදය

පාකර් මහතා තනිකඩයෙකු විය. සැළකිය යුතු තරමේ වැදගත් රැකියාවක ඔහු නියැලුනත් සතියකට පවුම් කිහිපයක් ගෙවමින් ග්‍රේට් ඕර්මන්ඩ් වීථීයේ පිහිටි මහල් නිවාසයක නො. 12 හි ඉතා අඩු පහසුකම් මධ්‍යයේ ඔහු ජීවත් වූයේය. කෙසේ හෝ ඔහු මේ ගැටලුව විසඳුවහොත් ඉතා වටිනා ත්‍යාගයක් හිමිවනු අැත. දියමන්ති මුද්දක් .... නැතිනම් අැදහිය නොහැකි තරමේ වටිනාකමකින් යුත් චෙක්පතක් .... එවැනි ඉහළ වටිනාකමකින් යුත් ත්‍යාගයක් අගමැතිතුමා පිරිනමනු නියතය. අනෙකුත් වැදගතුන්ගේ දායකත්වයද මේ සම්බන්යෙන් නොමසුරුව ලැබෙනු අැත. මෙම සිතුවිල්ලෙන් උද්යෝගයට පත් පාකර් නැවතත් මේ අපහසු, අවිනිශ්චිත කාර්යයට අත ගැසුවේය. පරීක්ෂණයේ මුල සිට අගට නැවතත් කරුණු එකින් එක මෙනෙහි කරන්නට විය. ඔහුගේ කාමරය පිළිවෙළට අස්කර නොතිබුණි. තැන් තැන් වල අැඳුම් ගලවා දමා තිබුණි. එ් සියල්ල මැද ඔහු ධ්‍යානයකට සම වැදුනාක් මෙන් පරීක්ෂණයේ තොරතුරු කෙරෙහි සිත යොමා සිටියේය. මෙවිටම දුරකතනය නාද විය. ඔහු අැදෙන් නැගිට සෙමෙන් විසිත්ත කාමරය කරා අැදුනි. ඔහුගේ අත්උදව්වට දිනපතා පැමිණෙන මුන්ස් මහත්මිය කිවිසුම් යෑම නිසා අපහසුවට පත්ව සිටියාය. දුරකතනයේ සිටියේ බන්ටර් මහතාය. 

"සාමිවරයාණන් උදේ අාහාරයට ඉතාම සතුටින් ඔබේ පැමිණීම බලාපොරොත්තුවෙන් සිටිනවා." ඔහු කීය. 

නමුත් පාකර්ට මේ වන විට කිසිදු අාහාර රුචියක් තිබුණේ නැත. 

"සාමිවරයාට කියන්න මම තව පැය භාගයකින් එන බව" යි පාකර් පිළිතුරු දුනි. ඔහුට ස්තූති කොට නාන කාමරය කරා දුවන ගමන් කුස්සියට හිස පොවා මේ වන විටත් තේ සෑදීමට වතුර රත් කරමින් සිටි මුන්ස් මහත්මියට කියා සිටියේ තමන් උදෑසන අාහාරයට පිටතට යන බවයි. 

"තලප ටික ඔබට ගෙදර අරන් යන්න පුළුවන්" ඔහු වැඩිදුරටත් කීවේය. මේ කෙටි දැනුම් දීමෙන් පසු පාකර් කඩිමුඩියේ අැඳුම් මාරුකරගෙන එළියට බැස්සේය. එ් 19 බස් රථය මිනිත්තු පහළොවකින් පිකඩලියට ළඟා විය. අලුත් තොරතුරක් දැනගන්නට ලැබේවි යැයි ඔහු මහත් උද්යෝගයෙන් සිටියේය. බන්ටර් මහතා විසින් ඔහුට අගනා අාහාර වේලක් පිළිගැන්වූ අතර ඔහුගේ අනර්ඝ කෝෆි පානය ද එ් අතර විය. 

ගීයක් මුමුණන හඬක් අැසෙන්නට විය. එ් හඬ ටිකෙන් ටික ළංවත්ම දැකුම්කළු අැඳුමකින් සැරසුණු පීටර් සාමිවරයා දර්ශනය විය. 

"සුබ උදෑසනක් මගෙ පරණ මිත්‍රයා." මහත්මයා කීය. "ඉතාම ලස්සන දවසක්. එහෙම නේද? ඔබ මෙහි අාව එක හොඳයි. මට ලිපියක් ලැබුණා. එ්ක ඔබට පෙන්වන්න මට ඕනෙ වුණා. මට ඔයාලගෙ ගෙවල් පැත්තෙ එන්න කම්මැලි හිතුනා. බන්ටර්යි මායි ඊයෙ රෑම එ් ගැන තමයි වද වුණේ."

"මොකක්ද එ් ලිපිය?"පාකර් විමසුවේය. 

"කෑම මේසෙදි ගනුදෙනු ගැන කතා බහ කරන්න හොඳ නෑ" පීටර් සාමිවරයා තරවටුවක ස්වරූපයෙන් කීවේය. ඉස්සර වෙලා මෙන්න මේ දොඩම් ජෑම් ටිකක් රහ බලලා ඉන්න. ඊට පස්සෙ කතා කරන්න බැරියැ. උදෑසන අපට කියවන්න තිබෙන අලුත් තොරතුරු මොනාද, බන්ටර්?" 

"එරික් සාමිවරයාගේ වටිනා එකතුව වෙන්දේසි කරන්න තීරණය කරලා, මගෙ ස්වාමීනී. එ් ගැන උදෑසන මුද්‍රණයේ සඳහන් වෙනවා. භෞතික විද්‍යාවේ හෘද සාක්ෂිය යන මැයෙන් සර් ජූලියන් ෆ්රේක් විසින් රචිත ග්‍රන්ථය පිළිබඳව ටයිම්ස් පත්තරයේ සාහිත්‍ය අතිරේකයේ සඳහන් වෙනවා. එ් වගේම මගෙ ස්වාමීනී ඉතිහාස වාර්තා ලේඛනගත කර තිබෙන ස්ථානයේ පොඩි ගෙවල් බිඳීමක් සිදුවෙලා තිබෙනවා. හෙරල්ඩ්හි පවුල් කිහිපයකට  යම් පහරදීමක් සිදු වී අැති බවට සඳහනක් තිබෙනවා. නමුත් ස්වාමීනී ඔබතුමාගේ කුතුහලය අැවිස්සෙන අාකාරයේ අමුතු යමක් ගැන වාර්තාවක් නම් නැති බව මා කිව යුතුයි."

"හොඳයි කමක් නෑ අර ගෙවල් බිඳීම ගැන විස්තර මට දෙන්න" පීටර් සාමිවරයා කීවේය. 

"මම හැම පත්තරයක්ම හොඳින් කියවා බැලුවා." බන්ටර් කියන්නට විය. "උදෑසන අාහාරයෙන් පසු ඔබතුමාට කියවිය හැකි විදිහට එ්වායේ වැදගත් තැන් සළකුණු කර පිළිවෙළකට තබා තිබෙනවා."

"ඔන්න ඉතින් ... වහෙන්ඔරෝ ඔබ මොකක්ද කියන්න හදන්නෙ" පීටර් සාමිවරයා කීවේය. "එ් කියන්නෙ තවත් මට ඉවසන්න වෙනවාද?"

එක්වරම නිශ්ශබ්දතාවයක් අැති විය. එ් අතරින් මස් විකන හැඳි ගැටෙන සියුම් හඬ මතු විය. 

"ඔවුන් මරණ පරීක්ෂණය කල්තබලා වගේ." පාකර් මේ මොහොතේ කියා සිටියේය. 

"මොනවා කරන්නද ඉතින්" පීටර් සාමිවරයා කීවේය. "නමුත් ලෙවි අාර්යාව ඊයෙ රාත්‍රියේදී අැවිත් තියෙනවා. සග්ගෙ වාසියට නම් මුකුත්ම සිදු වෙලා නෑ. අැයට මළසිරුර හඳුනා ගැනීමට නොහැකි වෙලා."

"කාලය තවත් තියෙනවා" පාකර් කෙටියෙන් කීය.

නැවතත් නිශ්ශබ්දතාවයක් අැති විය. 

"මං තවත් ඔයාගෙ ගෙවල් බිඳීමේ ප්‍රවෘත්තිය ගැන වද වෙන්නෑ, බන්ටර්" පීටර් සාමිවරයා කීවේය. "එ්ක උපකල්පනයක් කරන්නවත් සුදුසු නැති පොඩි කාරණයක් විතරයි. මට ඕනෙ ඊට වඩා ලොකු අපරාධයක් ගැන හිත යොමු කරන්නයි. කොහෙද උදෑසන මුද්‍රණය?"

ටික වේලාවක නිහඬතාවයකින් පසු පීටර් සාමිවරයා මෙසේ කීවේය. "අර ලැයිස්තුව යැව්වද, බන්ටර්? මට නම් ඕවගෙ වැඩ හරිම කම්මැලියි. පොඩ්ඩක් එ් ගැන හොයලා බලන්න. ඔයාට කැමති විදිහට පුස්තකාලයට ඕනෙ කරන පොත් ලැයිස්තුවත් සකස් කරන්න. අැප්ලොනියොස් රොහ්ඩියොස්ගෙ අපරාධ ගැන පොත මතකනෙ. එ්ක නම් හරිම රසවත්. එ් වගේම හොඳට අලෙවි වෙනවා. නමුත් මට නම් එ්කෙ එකඟ වෙන්න බැරි තැන් තියෙනවා. ඔබ එ් ගැන වද වෙන්න ඕනෙ නෑ ... යමක් දැක්ක පලියට එයින් යම් නිගමනයකට එ්ම අනුමත කරන්න බෑ. පේනවානෙ සග්ගෙ වැඩ ..."

"සමාවෙන්න" පාකර් කියන්නට විය. "මට ඔබත් එක්ක එන්න බැරි වුණානෙ. අර අාර්ජන්ටිනා හාදයා ඔබට ටිකක් දැඩිව ඉඳලා වගෙයි මට පේන්නෙ"

"මිලිගෑන්" පීටර් සාමිවරයා කීවේය. 

"තෙල් ගනුදෙනු හරිම නරක විදිහට සිදුවෙලා තියෙන්නෙ. ලෙවිට එහි වෙනසක් කරන්න ඕනෙ වෙලා. ඔහුගෙ මරණයට නැතිනම් අතුරුදහන්වීමට පෙර එ් වෙනුවෙන් කටයුතු කරලා තියෙනවා. අැත්තටම මොනාද වුණේ කියන්න නම් මං දන්නෑ. ඔබ එ් ගැන සේරම විස්තර දැනගත්තද?"

"තාම නෑ." පීටර් සාමිවරයා කීවේය. "අැත්තටම මොකක්ද එ්ක?"

"ඕහ් මේ වගේ කමකට නැති ව්‍යාපාරිකයෙක් ගැන නම් මං කවදාවත් අහලා නෑ. මේක මෙහෙම වෙයි කියලා මං දැනගෙන හිටියා. මොකද මගෙ අම්මා මීට අවුරුදු ගානකට කලින් එ්වායේ කොටස් සිය ගණනක් ගත්තා. නමුත් කවදාවත් ඔවුන් ලාභාංශ ගෙව්වෙ නෑ. දැන් එ්වායේ වටිනාකමත් ක්ෂය වෙමින් යනවා."

විම්සෙ පිඟාන පැත්තකට කර පයිප්පය දල්වා ගත්තේය. "කාලා ඉවරයි. මට නම් අද වැඩක් කරන්න හිත දෙන්නෑ." ඔහු කීවේය. "ඔබේ ඊයෙ දවසෙ වැඩ කටයුතු කොහොමද?"

"විශේෂ මුකුත් නෑ" පාකර් පිළිතුරු දුනි. "මං නිවාස සංකීර්ණය පරීක්ෂා කරමින් ඉහළ පහළ අැවිද්දා. තව වායුමාන සකසන අයෙක් වගේම නැතිවුණු බල්ලෙක් හොයන අයෙක් විදිහට වෙස්වලාගෙනත් එ් පැත්තෙ ගිහින් සෝදිසි කළා. වැදගත් මුකුත් දැනගන්න ලැබුණෙ නෑ. නමුත් බැට්ටර්සී පාලම් මාවත කෙරවළේ පිහිටි නිවාස පේළියේ ඉහළ මාලයක සේවය කරන සේවිකාවකගෙන් යම් තොරතුරක් දැන ගන්න ලැබුණා. අැය කිව්වා දවසක්දා රෑ වහලයට යමක් වැටෙන හඬක් අැයට අැසුන බව. මං මොන දවසෙ රෑද කියලා අැගෙන් විමසුවා. නමුත් හරියටම දිනය කියන්න අෑට පුළුවන් වුණේ නෑ. ඉතින් මං අැගෙන් අැහුවා එ් සඳුදා රාත්‍රයේදීද කියලා. එහෙම වෙන්න ඕනෙ කියලා අැය සැකෙන් කිව්වා. ඊට පස්සෙ මං කිව්වා සෙනසුරාදා රෑ හමපු සුළඟට මගේ දුම්කවුළුවේ කෝව ගැලවී ගිය බව. ඉතින් එ් වගේ දැඩි සුළඟකින් අැති වුණ ශබ්දයක් වෙන්න බැරිද කියලා මං අැගෙන් අැහුවා. අැයට එ් ගැන හරියටම කියන්න පුළුවන්කමක් තිබුණේ නෑ. නමුත් එහෙමත් විය හැකි බව අෑ අැඟෙව්වා."

" .... එ් වගේම මං අැහුවා එ් ශබ්දය අැහුණෙ වහලෙන් කියලා හොඳටම විශ්වාසද නැතිනම් එ් නිවාස සංකීර්ණය අැතුලෙන් අැහුණ ශබ්දයක් වෙන්න බැරිද කියලා. එහිදී අෑ කිව්වා ඊට පස්සෙ දවසෙ උදෑසන පින්තූරයක් බිම වැටී තිබී හමු වුණා කියලා. හැම දෙයක් ගැනම හොඳ අවධානයකින් ඉන්න කාන්තාවක්. මට ඔබේ මිතුරනුත් හමු වුණා. අැප්ලිඩෝර් මහතා සහ මහත්මිය. ඔවුන් මාව සීතලේ එළියේම තැබුවා. නමුත් ඔවුන් තිප්ස් මහතාටවත් මහලු තිප්ස් මහත්මියටවත් විරුද්ධව කිසිම දෙයක් කිව්වෙ නැහැ. මගේ අනාරාධිත කඩා වැදීමේදී ඔහුගෙ අතේ කාය විච්ඡේදනය ගැන කුඩා පොතක් තිබූ බව මා දුටුවා. පළමු මහලෙ ඉන්න ඉන්දියාවේ හමුදා නිලධාරියා නම් ටිකක ඝෝෂාකාරියි. නමුත් හිතාගන්නවත් බැරි තරමට ඔහු සුහදශීලියි. ඔහු මට අනර්ඝ ඉන්දීය කෑම වේලකින් සංග්‍රහ කළා. එ් වගේම ඉස්තරම් විස්කිත් ලබා දුන්නා. නමුත් ඔහු හුදකලා ජීවිතයක් ගතකරන අයෙක් වගේ. ඔහු කිව්ව විදිහට අසල්වැසි අැප්ලිඩෝර් මහත්මිය හමුවෙන්නවත් ඔහු ගිහින් නෑ."

"නිවසේ තිබිලා මොනා හරි හම්බ වුණේ නැද්ද?"

"ලෙවිගෙ පෞද්ගලික දිනපොත පමණයි. මං එ්ක රැගෙන අාවා. මෙන්න එ්ක. එ්කෙන්නම් වැඩි යමක් දැනගන්න ලැබෙන්නෑ. එය සටහන්වලින් පිරිලා. ටොම් සහ අැනී රාත්‍රී අාහාරයට අාවා ... මගේ අාදරණීය බිරිඳගේ උපන්දිනය : අග්නි මාණික්‍යයක් සහිත මුද්දක් අැයට තෑගි කළා, තේ පානය සඳහා අර්බුත්නොට් මහතා පැමිණියා: ඔහුට රේචල්ව කසාද බදින්න ඕනෙ වෙලා : නමුත් මට ඕනෙ කරලා තියෙන්නෙ මගේ වත්කම් බලාකියාගන්න පුළුවන් අාකාරයේ හැකියාවක් අැති පුද්ගලයෙක් අැයට විවාහ කරලා දෙන්න ... එ් වගේ නිවසට අාව ගිය අය ගැන විතරයි සඳහන් කරලා තියෙන්නෙ. පැහැදිලිවම ඔහු කලින්දා රෑ දිනපොත ලියලා තියෙනවා. සඳුදා කිසිම දෙයක් ලියලා නෑ."

"මට හිතෙනවා එ්ක ගොඩක් ප්‍රයෝජනවත් වේවි කියලා." පීටර් සාමිවරයා දිනපොතෙහි පිටු පෙරලා බලන ගමන් කීවේය. "අසරණ වයසක හාදයා ... මං කියන්නෙ ඔහුට මේක තදින් බලපාන්න අැති"

"අර්බුත්නොට්" පාකර් කීය. "ඔබ කතා කරන්නෙ දිනපොතේ සටහන් වන අර්බුත්නොට් ගැනද?"

"හ්ම් ... මං ඔහුව මුණ ගැහුණා. මොකද මං දැනගෙන හිටියා කොටස් වෙළඳපොළ ගනුදෙනු ගැන ඔහු ගොඩක් උනන්දු වෙන අයෙක් බව ... මිලිගෑන් ගැන කතා කරනවා නම් ... ඔහුගෙ කිසිම වැරැද්දක් කියන්න නෑ. නමුත් ඔබත් මාත් දන්නවා ඔහු ව්‍යාපාර කටයුතු වලදි ටිකක් තදින් ඉන්න බව. කොහොම වුණත් එහි සිටියා රතු කෙස් සහිත ලේකම්වරයෙක් ... දීප්තිමත් තද රතු ... ඔහු ගණන් සමඟ පොර බදමින් සිටියා. මුළු වෙලාවෙම කිසිම දෙයක් කතා නොකර නිශ්ශබ්දවමයි ඔහු හිටියෙ. එ්ක ඔහුට උපතින්ම ලැබෙන්නැති .. එහෙමයි මට හිතුනෙ ... මං හිතුවා ලෙවි මහත්තයාගෙ අතුරුදහන් වීම ගැන කියද්දිවත් මිලිගෑන් මහතාගෙන් යම් සුවිශේෂී ප්‍රතිචාරයක් දකින්න ලැබෙයි කියලා. වැඩක් වුණේ නෑ. ඊළඟට මේ අලුත් හාදයා ගැන කියනවා නම් ..."

"මොන අලුත් හාදයාද?"

"අහ් ... එ් මං අර කලින් කිව්ව ලියුම එව්ව කෙනා. කොහෙද මං එ්ක තිබ්බෙ .. මේ තියෙන්නෙ. හොඳ පිච්මන්ට් කඩදාසියක්. මුද්‍රිත ලිපිනය .. නීතීඥ කාර්යාලය ... සැලිස්බරි .... තැපැල් මුද්‍රාවෙ සටහන්ව අැත්තෙත් එහිම තමයි"

"... සිහින් තුඩක් සහිත පෑනකින් ඉතා නිවැරදිව ලියා තිබෙනවා. පරණ තාලෙ වයසක ව්‍යපාරිකයෙක් .."

පාකර් ලිපිය ගෙන කියවන්නට විය.

සැලිස්බරි

සොලිස්ටර්වරු

මිල්ෆෝර්ඩ් හිල්,

සැලිස්බරි.

නොවැ. 17

මහත්මයාණනි,

ටයිම්ස් පුවත්පතෙහි පෞද්ගලික තීරයේ ඔබ පළ කර තිබූ දැන්වීම සම්බන්ධයෙනි. ඔබ සඳහන් කර තිබූ අාකාරයේ උපැස් යුවළක් මා සතු විය. මා සිතන අාකාරයට පසුගිය සඳුදා දින මා ලන්ඩනයට පැමිණි අවස්ථාවේදී L. B. & S. C. විදුලි දුම්රිය මාර්ගය අසලදී එය නැති වී තිබේ. එදින 5.45 දුම්රියෙන් මම වික්ටෝරියා බලා පිටත් වූයෙමි. බැල්හැම් වෙත ළඟා වන තුරුත් උපැස් යුවළ නැති වූ බව මා දැන සිටියේ නැත. මෙම විස්තරයත් දෘෂ්ටි විශේෂඥයින්ගේ සහතිකයත් සළකා දැනට ඔබ සතුව අැති උපැස් යුවළ මාගේ බවට තහවුරු වූ පසු එය ලියාපදිංචි තැපෑලෙන් මා වෙත ලැබීමට සලස්වනු අැතැයි බලාපොරොත්තු වෙමි. විශේෂයෙන්ම ඊට අමුණා අැති චේන් පොට මාගේ දියණිගෙන් ලත් ත්‍යාගයක් බැවින් එය මා හට ඉතාමත් වටිනා වස්තුවක් බව සළකනු මැනවි. මෙවන් අපහසුතාවයකට ඔබව පත් කරවීම සම්බන්ධයෙන් සමාව අයදින අතර මේ සම්බන්ධයෙන් තවදුරටත් කාරුණිකව සොයා බලා කටයුතු කරනු අැතැයි විශ්වාස කරමි. 

මීට,

විශ්වාසී,

ටී. ක්‍රිම්ප්ලිෂම්

පීටර් විම්සෙ සාමිවරයා

110, පිකඩලිය

"මගේ මිත්‍රයා" පාකර් කීය. "මෙන්න ඔබ බලාපොරොත්තු නොවූ දේ ඉටු වෙලා"

"සමහර විට එ්ක එහෙම නොවෙන්නත් පුළුවන්. ඔහු යම් වැරදි වැටහීමක් අැති කරගෙන නම්..." පීටර් සාමිවරයා කීය. "එහෙම නැතිනම් ක්‍රිම්ප්ලිෂම් මහත්තයා අවිනීත සහ කපටි දුෂ්ටයෙක් වෙන්නත් පුළුවන්. නැතිනම් බොහෝ දුරට ඔහු මා සඳහන් කළ උපැස් යුවල ඔහුගේම යැයි කියා වරද්දගෙන වෙන්නත් පුළුවන්. අපි තීරණයකට එළැඹෙන්න කලින් මේ හැම කාරණයක් ගැනම හොඳින් අවධානය යොමු කරන්න ඕනෙ. මං හිතනවා උපැස් යුවල පොලිස්භාරයෙ අැත්තෙ. ඔබට පුළුවන් දෘෂ්ටි විශේෂඥයින්ට කෝල් කරලා මේ විස්තරය ගැන අැත්ත නැත්ත දැනගන්න. එ්ත් එක්කම මේ වගේ එ්වා හැමෝම ගන්නවාද කියලා අහන්න ..."

"ඔබ හරි" පාකර් කීය. එසේ කියමින් ඔහු දුරකතනය අතට ගත්තේය. 

"එ් වගේම" ඔහුගේ මිතුරා කියන්නට විය. "පණිවිඩය දීලා ඉවර වෙලා මිනිත්තුවකට පුස්තකාලයට එන්න"

පීටර් සාමිවරයා පුස්තකාලයේ මේසය මත ඡායා පිටපත් පෙළක් දිග හරිනු ලැබීය. ඉන් සමහරක් වියළි විය. සමහරක් පිටපත් තාමත් තෙත්ව පැවති අතර අනෙක්වා අඩක් සෝදා තිබුණි. 

"මේ පොඩි එ්වා තමයි අපි ගත්ත ඡායාරූපවලින් මුල් පිටපත්" පීටර් සාමිවරයා කීවේය. "මේ ලොකු එ්වා නිවැරදිව එකම පරිමාණයකට විශාල කරලා තියෙන්නෙ. මෙන්න මේකෙ තියෙනවා කලාලය මත තිබුණ අඩි සලකුණ. දැනට අපි මේක පැත්තකින් තියමු. දැන් මෙන්න මේ අඩි සලකුණු කොටස් පහකට බෙදන්න පුළුවන්. එහි සලකුණු මත මං එ්වා වර්ග කරලා තියෙන්නෙ. පේනවාද? එ් වගේම එ්වායේ ලැයිස්තුවකුත් හැදුවා.

A. ලෙවිගෙ අැඟිලි සලකුණු. එ්වා කුඩා පොත් පිංචෙහිත් පනාව මතත් තිබුණා. මෙන්න මේ දෙකේ. ඔබට හොඳින් පේනවානෙ මාපට අැඟිල්ලෙහි කැළල.

B. සඳුදා රාත්‍රයෙදී ලෙවිගෙ නිදන කාමරයෙ නිදාගත් මිනිසා විසින් අත්වැසුම් පැළඳි අතින් තැබූ කිළිටි සළකුණු. වතුර බෝතලය මතත් සපත්තු මතත් එ්වා පැහැදිලිව දකින්න පුළුවන් ... ලෙවිගෙ සළකුණුත් එ්වා මත පැහැදිලිව තිබෙනවා ... ම්ම් ... සපත්තු මත සළකුණු පැහැදිලිව දැකගන්න පුළුවන්. අත්වැසුම් පාවිච්චි කරපු අතකින් එ් වගේ සළකුණු ... හිතාගන්නත් බෑ. මං නිගමනය කරන විදිහට එ් අත්වැසුම් රබර් එ්වා වෙන්න ඕනෙ. එ් වගේම එ්වා තෙත්ව තියෙන්න අැති. 

මෙන්න තියෙනවා තවත් සිත් අැදගන්නා සුළු කාරණයක්. අපි දන්නවා ලෙවි සඳුදා රාත්‍රියේදී වැස්සෙ අැවිද ගිය බව. ඉතින් මේ අඳුරු සළකුණු මඩ වලින් සෑදුන එ්වා. ඔබට පේනවානෙ. එ්වා ලෙවිගෙ අැඟිලි සලකුණු මත දක්නට ලැබෙනවා. දැන් මේක බලන්න. මෙන්න මේ වම් කකුළෙ සපත්තුවෙ අඩියෙ හම් වැස්ම මත අැති මඩ මත අපේ අමුත්තාගෙ මාපටඅැඟිලි සළකුණ පැහැදිලිව තියෙනවා. සපත්තුවක් මත මාපටඅැඟිලි සළකුණක් දකින්න ලැබෙන එකත් විහිළුවක් වගෙ නේද? ලෙවි සපත්තු ගැලෙව්වා නම් එහෙම වෙන්නත් තිබුණා තමයි. නමුත් මේකෙන් පේන විදිහට කවුරු හරි පුද්ගලයෙක් විසින් බලහත්කාරයෙන් ලෙවිගෙ සපත්තු ඉවත් කරලා තියෙනවා. ඊළඟට මඩ සළකුණු මත මේ නාදුනන පුද්ගලයාගේ අැඟිලි සළකුණු ගොඩක් දක්නට ලැබෙනවා. නමුත් මෙන්න මෙතන නැවතත් මඩ පාරක් එ් මත විසිරිලා තියෙනවා. එ්කෙන් මට අනුමාන කරන්න පුළුවන් මේ නාදුනන පුද්ගලයා යළිත් වතාවක් පාර්ක් වීථියට අැවිත් තියෙනවා ... ලෙවිගෙ සපත්තුත් පැළඳගෙනම ... එ් වගේම ඔහු අැවිත් තියෙන්නෙ කුලී රථයකින්, කරත්තයකින් හෝ මෝටර් රථයකින්. නමුත් ඔහුට යම් දුරක් පයින් අැවිද යන්න සිදුවෙලා තියෙනවා. එ් අතරෙදි මඩ කඩිත්තක් පෑගීමෙන් සපත්තු මත මඩ පාරක් විසිරිලා තියෙනවා. ඔබ මොකද කියන්නෙ?"

"කදිමයි" පාකර් කීය. "ටිකක් පැටලිලි සහගතයි. කොහොම වුණත් මේ හැම සළකුණක්ම අැඟිලි සළකුණු කියලා කියන්නත් බෑ."

"හොඳයි  මං එ් ගැන වැඩිය හිතන්න යන්නෑ. නමුත් එ්වා අපේ කලින් උපකල්පන එක්කත් හොඳට ගැළපෙනවා. දැන් මේක බලමු.

C. අසාමාන්‍ය සාහසිකයා විසින් තිප්ස් මහතාගේ නාන බඳුනෙහි බඳේ තබා ගිය සළකුණු. ඔබත් එ්වා දැක්කා. එ් වගේම මං එ්වා වඩාත් හොඳින් නිරීක්ෂණය කළා. වම් අත දිහා බලන්න. අල්ලෙහි මුල් කොටසත් අැඟිලිත් තිබෙනවා. හැබැයි අැඟිලි තුඩු නෙමෙයි. පෙනෙන විදිහට ඔහු පතුලෙහි තිබූ යම් දෙයක් සකස් කිරීමට යෑමේදී නාන බඳුනෙහි බඳේ මේ සළකුණු අැති වෙලා තියෙනවා. සමහර විට එ් උපැස් යුවල වෙන්න පුළුවන්. අත්වැසුම් පැළඳගෙන ඉදලා තියෙනවා. ඔබට පේනවානෙ. නමුත් යම්කිසි ඉස්සීමක්වත් දාරයක්වත් දැකගන්න නැහැ. මං හිතන්නෙ එ් රබර් අත්වැසුම්. ඔබත් එහෙම හිතනවාද? ඔව් එ්ක එහෙම තමයි. දැන් මේක බලමු. D හා E මගේ අාගන්තුක පත්‍රයයි. මේ කෙළවරේ තියෙන එක පේනවාද. F කියලා සළකුණු කරලා තියෙන්නෙ. නමුත් එය ඔබේ අපේක්ෂා භංග කරනවා. මේ මුල් ලියවිල්ලෙ සඳහන් වන අැඟිලි සළකුණ එය රැගෙන ගිය තරුණයාගේ මාපට අැඟිලි සළකුණ. ඔහුගෙ අැඟලි අතර විකන ලද චුයින්ගම් කෑල්ලක් පේනවාද? මට පේන විදිහට මිලිගෑන් මහත්තයා එ් දේවල් ගැන හොයලා බලන්නෑ වගේ. සමහර විට මං හිතුවා වැරදි වෙන්නත් පුළුවන් ... D සහ E කියන්නෙ මිලිගෑන් මහත්තයාගේත් ඔහුගෙ රතු හිස කෙස් අැති ලේකම්වරයාගේත් මාපට අැඟිලි සළකුණු. මට එ් සළකුණු දෙක වෙන වෙනම හඳුනාගන්න නම් බෑ. නමුත් අතේ චුයින්ගම් තියාගෙන හිටිය තරුණ හාදයා එය කෙලින්ම ලේකම්වරයාට දෙන්න අැති. මං අැතුලු වෙද්දි හොඳින්ම දුටුවා ජෝන් පී. මිලිගෑන් මහත්තයා එය අතේ තියාගෙන ඉන්නවා. මේ දෙකෙන් එකක් ...  මම ගිය ගමන්ම නම් එ්ක අරගත්තා ... නමුත් මේ අවස්ථාවෙදි එ්ක හරියටම හොයා ගන්න අමාරුයි. හොඳයි .. දැන් ... පාකර්, මෙන්න මේ දේ එක්ක බන්ටර්යි මායි පැය කිහිපයක් ඔට්ටු වුණා. මගෙ ඔළුව කැරකෙනකන්ම ඉස්සරහටත් පිටුපසටත් කිහිපවරක්ම මිනුම් කළා. මුලදි නම් කිසිම දෙයක් හිතාගන්න බැරි වුණා. නමුත් හිතලා හිතලාම කොහොම හරි ඔළුවට යම් අදහසක් දාගන්න පුළුවන් වුණා. මෙන්න ප්‍රශ්න.

1. C සහ B සමානයිද?

2. E සහ D ගෙන් B ට සමාන වෙන්නෙ කවුද?

අැත්තෙන්ම එහෙම එක පාරටම උත්තර දෙන්න අමාරුයි තමයි. නමුත් හැඩයෙන් සහ ප්‍රමාණයෙන් යම් නිගමනයකට එන්න පුළුවන්. එ් වගේම සළකුණු ඉතාම අපැහැදිලියි. මොකක්ද ඔබ හිතන්නෙ?"

පාකර් සැකයෙන් යුතුව ඔළුව වැනීය. "මං හිතන්නෙ මේ ප්‍රශ්න වලින් E ව අයින් කරන්න පුළුවන්." පාකර් කීවේය. "එය ඉතාමත් දිගු සහ සිහින් මාපට අැඟිල්ලක්. නමුත් මට හිතෙන විදිහට වතුර බෝතලය මත දක්නට ලැබෙන B හි වියතෙහිත් නාන බඳුනෙහි C වියතෙහිත් යම් සමානකමක් තියෙනවා. නමුත් මට හිතාගන්න බැරි D අැයි B එක්ක සමාන නොවෙන්නෙ කියලා. ඉතින් මේකෙන් අපිට එන්න පුළුවන් පොඩි විනිශ්චයකට විතරයි"

"ඔබගේ විනිශ්චයෙනුත් මගේ මිනුම්වලිනුත් අප දෙදෙනාම ගෙන එන්නෙ එකම නිගමනයකට ... ඔබට එය නිගමනයක් යැයි කියන්න පුළුවන් නම් ..." පීටර් සාමිවරයා ශෝකී ස්වරයෙන් කීවේය. 

"අනෙක් කාරණය" පාකර් කියන්නට විය. "අැයි අපි B හා C සම්බන්ධ කරන්න උත්සාහ කරන්නේ? අපි දෙන්නා යාළුවො වුණ පලියට අපේ පරීක්ෂණ දෙකත් එකිනෙකට සම්බන්ධ වෙන්න ඕනෙ කියලා දෙයක් නෑනෙ. අැයි එහෙම වෙන්නෙ? කලින් නම් ඔහොම හිතුවෙ සග් විතරයි. ඔහුටත් එ්ක ඔප්පු කරගන්න බැරි වුණා. නාන බඳුනෙ හිටිය මනුස්සයා ලෙවි කියලා ඔහු නිකමට තීරණය කළා විතරයි. එ්ත් අපි දන්නවා එ් ලෙවි නෙමෙයි කියලා. අනිත් එක එකම මනුස්සයෙක් කොහොමද එකිනෙකට දුරින් පිහිටි ස්ථාන දෙකක එකම රෑ අපරාධ දෙකක් සිදු කරන්නෙ? එකක් බැට්ටර්සී වල අනෙක පාර්ක් වීථියේ."

"මං දන්නවා" විම්සෙ කීවේය. "අැත්තෙන්ම එ් අවස්ථාවෙදි ලෙවි බැට්ටර්සී වල හිටියා කියන එක අපට අමතක කරන්න බෑ. අපි හිතන විදිහට 12 වෙද්දිත් ඔහු නැවත පැමිණ සිටියේ නැහැ. ඔහු බැට්ටර්සීවලින් පිටතට ගියා කියන්නත් කිසිම හේතුවක් නෑ අපට"

"අැත්ත. නමුත් අනෙක් පුද්ගලයා හිටියෙ බැට්ටර්සීවලින් පිටත තිප්ස් මහත්තයාගේ නාන කාමරයෙ. අැත්තටම ඔහු තිප්ස් මහත්තයාගෙ නාන කාමරයෙ හිටියෙ නෑ. අනිවාර්යයෙන්ම කවුරු හරි ඔහුව එහි ගෙනැත් දමලා. අැයි තිප්ස්ගෙ නාන කාමරේටම ඔහුව ගෙනැත් දැම්මෙ?"

ඔහු පුටුවේ හාන්සි වී දුම් උරමින් කල්පනා කරන්නට විය. බන්ටර් විසින් ඔහු වෙනුවෙන් සළකුණු කර දුන් පත්තර පිටු තැන් තැන්වල වැටී තිබුණි. 

"එ්ක නම් කනගාටුවට කරුණක්" ඔහු කීවේය. "දෙවියන්ට පින් සිද්ධ වෙන්න සග් මගෙ වැඩ ගැන කිසිම ප්‍රචාරයක් දෙන්නෑ. කොතරම් කදිම හාදයෙක්ද ... අපි ඔයාගෙ කාරණේ ගැන පසුව සළකා බලමු. දැන් බලමු මේ කාරණය ... මේ මනුස්සයාට මූල්‍යමය සහාය අවශ්‍යව තිබුණා ... ඔන්න කවුද දෝරේ සීනුව නාද කරනවා. ස්කොට්ලන් යාඩ් එකෙන් අපිට පිළිතුරු ලැබිලා වගේ."

ස්කොට්ලන්ඩ් යාඩ් එක මඟින් එවන ලද සටහනට අනුව දෘෂ්ටි විශේෂඥයින් පවසා අැත්තේ එම උපැස් යුවල කිම්ප්ලෙෂම් මහතා වෙත ලබා දුන්නක් බවයි. එමෙන්ම එය ඔහු වෙනුවෙන්ම විශේෂයෙන්ම සාදා දුන් බවත් අැස් දෙකේ පෙනුමේ වූ වෙනස සැළකිල්ලට ගනිමින් අවශ්‍ය පරිදි කාච දෙක තියුණු ලෙස සකසා දුන් බවත් ඔවුන් වැඩිදුරටත් පවසා තිබුණි. 

"එ්ක හොඳටම ප්‍රමාණවත්" පාකර් කීවේය.

"ඔව්" විම්සෙ කීය. "අංක තුන ගැන ටිකක් හිතන්න වෙනවා. අංක එක යම් වැරදි වැටහීමක් හෝ අත්වැරදීමක් වෙන්න පුළුවන්. අංක දෙක මේක අපිව නොමග යවන්න හිතාමතාම කළ සාහසික ක්‍රියාවක් වෙන්න පුළුවන්. අපේ පරීක්ෂණ දෙකටම සම්බන්ධ පුද්ගලයා හෝ පුද්ගලයින් ගේ අමුතු ක්‍රියාකලාපය අනුව එ්ක එහෙම වෙන්න පුළුවන්. මම අාඩම්බරයෙන් කියන්න ඕනෙ මමත් සාමාජිකත්වය දරන විශ්වවිද්‍යාලයේ භාවිතා කරන ක්‍රමවේදයන්ට අනුව නම් අංක 2 බොහෝ දුරට විය හැකියි. එමෙන්ම එය නැවත උපකල්පන කිහිපයකට බෙදා දැක්විය හැකියි. 

උපකල්පනය 01: (මං හොඳින් හඳුනන විශිෂ්ට ගණයේ මහාචාර්යවරයෙකුගේ මතයට අනුව) මේ අපරාධකරු අපි X කියලා නම් කළොත් .... එ් ක්‍රිම්ලෙෂම් විය නොහැකියි. නමුත් මේ අපරාධකරු ක්‍රම්ප්ලෙෂම්ගේ නම තම අාරක්ෂාව වෙනුවෙන් හෝ හිතාමතාම හෝ යොදා ගෙන තියෙනවා. මෙම උපකල්පනයත් තවත් විකල්ප මතයන්ට බෙදන්න පුළුවන්. 

A විකල්පය. ක්‍රිම්ලෙෂම් කියන්නෙ අහිංසක පුද්ගලයෙක්. ඔහු මෝඩ විදිහට අපරාධයට සහාය දීලා තියෙනවා. X ඔහුගෙ රැකියාවට සම්බන්ධ පුද්ගලයෙක්. ක්‍රම්ප්ලෙෂම්ගෙ රැකියා ලිපිගොනුවලින් ඔහුගෙ විස්තර ලබාගෙන ක්‍රිම්ෂ්ලෙෂම්ගෙ නමින් ඔහු ලිපියක් යවලා තියෙනවා. එ් වගේම ඔහුට හැකි වෙලා තියෙනවා පාර්සලය ක්‍රිම්ලෙෂම්ට ලැබෙන්න කලින් එය තමාගෙ අතට අරගන්න. එ්කෙන් අපිට කියන්න පුළුවන් X කියන්නෙ ක්‍රිම්ලෙෂම්ගෙ ගෘහ සේවිකාවක්, කාර්යාලයේ සේවක ළමයෙක්, ලිපිකරුවෙක්, ලේකම් හෝ දොරටු පාලයෙක් විය හැකි බව. මේකෙන් පරීක්ෂණය තවත් පුළුල් වෙනවා. ඉතින් මේ ක්‍රමවේදයට අනුව ක්‍රිම්ප්ලෙෂම් මහතාව හමුවෙලා ඔහු මෙහෙම ලිපියක් යැව්වාද නැද්ද, ඔහුට එහෙම ලිපි හුවමාරුවක් කරන්න වුවමනාවක් තිබුණාද නැද්ද යනාදිය ගැන විමර්ශනය කරන්න පුළුවන්. 

B විකල්පය. ක්‍රිම්ප්ලෙෂම් මහතා X ගෙ පාලනයට හෝ බලපෑමට යටත් වෙලා ඉන්නෙ. එ් වගේම ඔහුට මේ වගේ ලිපියක් ලියන්න සිදුවුණා ... a) අල්ලසක් විදිහට b) ව්‍යාජ නියෝජනයක් විදිහට c) තර්ජනයට බියේ. සමහර විට X ළඟ ඥාතියෙක් හෝ මිතුරෙක් විය හැකියි. එහෙම නැතිනම් X ක්‍රිම්ලෙෂම්ට සම්බන්ධ ණය හිමියෙක්, යම් පෞද්ගලික කරුණක් ප්‍රසිද්ධ කරනවා යැයි බිය වද්දන පුද්ගලයෙක් හෝ මිනීමරුවෙක් විය හැකියි. අනෙක් අතට මොහු අල්ලස් ලබාගන්න අයෙක් හෝ මෝඩයෙක් විය හැකියි. මෙම ක්‍රමවේදයට අනුව යමින් මම දැනට යෝජනා කරන්න කැමතියි ක්‍රිම්ලෙෂම් මහතා හමු වී සාකච්ඡා කරන එක හොඳයි කියලා. නමුත් මේ කරුණ ඔහුට වඩා වැඩි යමක් ගැන අපේ සිතුවිලි යොමු කරනවා. මට සහතිකයි අපරාධ නීතියට අනුව අපරාධයට හෝ මිනීමරුවාට සහාය දැක්වීම වෙනුවෙන් ඔහුට උත්තර බදින්න වෙයි ... අහ්! විශ්වාසවන්ත මහත්මයා ... මං ඔබට ඕනෙ නැති දේවල් කියමින් කාරණය දිග්ගස්සනවා. අපි දැන් දෙවනි උපකල්පනය සළකා බලමු. මං පෞද්ගලිකවම මේ ගැන තමයි වැඩි උනන්දුවක් දක්වන්නෙ. එ් කියන්නෙ X ක්‍රිම්ලෙෂම්ට කෙසේ හෝ සම්බන්ධ වෙනවා. 

"මෙම ගැටලුවේදී වචනයේ පරිසමාප්ත අර්ථයෙන්ම මේ සාම්ප්‍රදායික ඉංග්‍රීසි මහත්මයා, එ් වගේම ඕනෑවටත් වඩා උපායශීලී හා විචක්ෂණශීලී මිනිසා තමන් මේ අපරාධයට සම්බන්ධ වෙලා ඉද්දිත් අනෙකුත් පුද්ගලයින්ට කලින් මේ තමන්ගේ උපැස් යුවලමයි සිතා අපේ දැන්වීමට පිළිතුරු ලිපියක් එව්වා. එ් අනුව නම් ඔහු ඕනෑවටත් වඩා තමන් ගැන අධිතක්සේරුවෙන් ඉන්න පුද්ගලයෙක් විය යුතුයි. ඔහු අවස්ථාවට ගැළපෙන විදිහට කරුණු දක්වමින් තම උපැස් යුවල නැති වෙන්න හෝ හොරකම් කරන්න අැතැයි කියා බොරු ගොතා කියනවා. එ් අනුව කිසිවෙකුත් ඉදිරිපත් වෙන්නෑ අැත්තටම මේක හමු වුණ තැන ගැන ගැන කියන්න. ඔහු ප්‍රවීන සාක්ෂිකරුවෙකු විදිහට 5.45 දුම්රියෙන් වික්ටෝරියා වලින් පිටත් වී නියමිත වේලාවට බැල්හැම්වලට ළඟා වූ බව සඳහන් කරනවා. එ් වගේම බැල්හැම්වල වැදගත් මහත්වරු සමඟින් සඳුදා මුළු රාත්‍රයේම චෙස් ක්‍රීඩා කරමින් සිටි බව කියයි. එ් අනුව බැල්හැම්වල මහත්වරුන්ගෙන් මේ ගැන සාක්ෂි විමසන්න වෙනවා. තනියම ජීවත් වන මේ මහත්මයාගේ ගේ දොර බලාගන්න පුද්ගලයා බිහිරි අයෙක් වුණොත් ලේසියෙන්ම කියයි ඔහු මුළු රාත්‍රියේම ගෙදර හිටියෙ නෑ කියලා. එ්කෙන් වැඩේ තවත් අවුල් වෙනවා. අැතැම් ප්‍රවේශ පත්‍ර අලෙවි කරන්නන් සහ බස් රථ වල කොන්දොස්තරවරු නම් සතියේ හැම දිනකම හවස බැල්හැම් හා ලන්ඩන් අතර ගමන් කරන මගීන් ගැන මතකයේ තබාගන්නවා."

"අවසාන වශයෙන් මහත්මයා ... මං අවංකවම කතා කරනවා නම් මේ හැම උපකල්පනයකම තිබෙන දුර්වලතාවය තමයි අැයි මේ භාණ්ඩය මළසිරුර දිහා බලපු ගමන්ම පැහැදිලිව පේන්න තැබුවෙ කියන එක."

පාකර් මහතා හොඳ අවධානයකින් යුතුව මේ ශාස්ත්‍රීය අර්ථදැක්වීම් අසා සිටියේය.

"සමහර විට එ් X නොවෙන්න පුළුවන්." ඔහු අදහසක් ඉදිරිපත් කළේය. "සමහර විට ක්‍රිම්ප්ලිෂම් මහතාගෙ තරහකාරයෙක් ඔහු ගැන සැකය යොමු වන විදිහට එය එහි තබන්න අැති."

"සමහර විට. එ් අනුව ඔහු ක්‍රිම්ලිෂම් මහතා සහ ඔහුගෙ උපැස් යුවල පිළිබඳව හොඳින්ම දැන සිටි අයෙක් වෙන්න ඕනෙ. එහෙම නම් ක්‍රිම්ලිෂම් මහතා තම ජීවිතය ගැන බියේ මේ අගනා මිතුරා ගැන පැමිණිලි නොකර ඉන්න පුළුවන්."

"පළමු උපකල්පනය ගැන හිතුවොත් මොකද ... අත්වැරදීමක් හෝ වැරදි වැටහීමක්?"

"හොඳයි. හොඳයි එහෙම නම් මේ සාකච්ඡාවල කිසිම තේරුමක් නෑ. එහෙම වුණොත් අපි මේ සාකච්ඡා වලින් බලාපොරොත්තු වන දේ කරා ළඟා වෙන්න බෑ."

"ඕනෑම ගැටලුවකදී වගේම" පාකර් කියන්නට විය. "මෙහිත් හොඳටම පැහැදිලිව පෙනෙන දේ අනුව සැලිස්බරි ගිහින් බැලුවා නම් තමයි හරි"

"එ්ක නම් හොඳයි තමයි" පීටර් සාමිවරයා කීවේය. 

"හොඳයි" රහස් පරීක්ෂකවරයා කීවේය. "ඔයා යනවද නැත්නම් මං යන්නද? නැතිනම් දෙන්නාම යමුද?"

"මං යන එක හොඳයි." පීටර් සාමිවරයා කීවේය. "එ් කාරණා දෙකක් නිසා. පළමුවැන්න තමයි (2 වන උපකල්පනයේ A විකල්පයට අනුව) ක්‍රිම්ලෙෂම් මහතා අහිංසකයෙක් නම් නිවැරදිම පුද්ගලයාගේ අතට මෙය ලබාදෙන එකයි සුදුසු. දෙවැන්න තමයි 2 වන උපකල්පනය මතම හිඳිමින් සමහර විට X ක්‍රිම්ප්ලෙෂම්ව යම් උගුලකට හසු කර තිබුණොත් බැට්ටර්සී උද්‍යානයේ අභිරහස ගැන උනන්දුවෙන් සිටි ඔහු අපරික්ෂාකාරී අන්දමින් අපගේ දැන්වීමට ප්‍රතිචාර දැක්වූවා වෙන්න පුළුවන්."

"එහෙනම් අපි දෙන්නාම යන එක හොඳයි" රහස් පරීක්ෂකවරයා සිය විරුද්ධත්වය ප්‍රකාශ කළේය.

"එ්ක පසුවට කල්දාමු" පීටර් සාමිවරයා කීවේය. "අැයි ක්‍රිම්ප්ලෙෂම් ගැනම හිතන්නෙ. X කල්තියාම දැනගනියි ලන්ඩනයේ සිට මහත්වරු දෙදෙනෙක් සාක්ෂිත් අැතුව අැවිත් කියලා. ඔව් එ්ක එහෙම තමයි. මොකද මං ගිහින් කියන්නද මේක බැට්ටර්සී වල මළසිරුරට සම්බන්ධයි කියලා?"

"නමුත් අපි මූලස්ථානයට කිව්වොත් අපි කොහෙද යන්නෙ කියලා ... අපිට ඔවුන්ගෙන් සහාය ලැබෙයි" පාකර් මහතා කීවේය. "එ්කෙන් අපිට පුළුවන් වෙයි ක්‍රිම්ලෙෂම් මහතාගෙන් අපරාධයට අදාළ ගොඩක් කරුණු දැනගන්න. කොහොම නමුත් ඔහු නාන බඳුනෙ හිටිය හාදයාගෙ ඝාතනයට සම්බන්ධ බව කියන්න බැරිවුණත් අඩුම තරමෙ අපි මරන්න හරි උත්සාහයක් දරයිනෙ."

"හොඳයි" පීටර් සාමිවරයා කීවේය. "ඔහු මාව මැරුවොත් ඔබට පුළුවන් ඔහුව එල්ලන්න ... අපි මේ වල්පල් කතා කරලා තේරුමක් නෑ. ඔබ විවාහ වෙන්න සුදුසු තරුණ මහත්මයෙක්. අනිත් එක නාකි ලෙවිගෙ කාරණය ගැන හොයා බලන්නත් ඔබට සිද්ධ වෙනවා. ඔබ හැර වෙන කවුද ඉන්නෙ එ්ක විසඳන්න."

"නමුත් අපිට පුළුවන් පොලීසියට අරන් යනවා කියලා ක්‍රිම්ප්ලෙෂම්ව බය කරන්න" 

"හොඳයි. අපි එහෙම කළා කියමුකො. අපි එහෙම හිතුවොත් මට පුළුවන් ඔබ ගැන කියලා ඔහුව බය කරන්න. මම කියන්නම් ඔබ මේ ගැන අවශ්‍ය සාක්ෂි හොයාගෙන ඉන්නෙ කියලා. එහෙම හොඳයි නේද. එහෙම කළත් කිසිම ප්‍රයෝජනයක් නැති වුණොත්, මෙච්චර වැඩ රාජකාරි බහුල අවස්ථාවක ඔබ නිකන් කාලය නාස්ති කළා වෙනවා. අපිට තව ගොඩක් වැඩ කරන්න තියෙනවා."

"හොඳයි" පාකර් අකමැත්තෙන් වුවත් කීය. "අැයි මට බැරි මේ ගැටලුවට සම්බන්ධ වෙන්න?"

"විකාර" පීටර් සාමිවරයා කීවේය. "මට සිද්ධ වෙලා තියෙනවා මේ ගැටලුවට මැදිහත් වෙන්න. (වයසක තිප්ස් මහත්මියගෙ කැමැත්තත් එ්කයි) එම අනුග්‍රහය යටතේ ඔබටත් පුළුවන් ඕනෑම අාකාරයකින් මේ ගැටලුවට සම්බන්ධ වෙන්න"

"අඩුම තරමෙ බන්ටර්ව වත් එක්කගෙන යනවාද?" පාකර් මහතා සිහින් ස්වරයෙන් කීය.

"ඔබගේ කැමැත්ත එය නම් ..." පීටර් සාමිවරයා පිළිතුරු දෙන්නට විය. "... මං බන්ටර්ව එක්කගෙන යන්නම්. ඡායාරූප ගැනීමෙන් ඔහු මට විශිෂ්ට සේවාවක් සපයාවි. ඊටත් වඩා මගෙ අැදුම් පැළදුම් ගැන හොයා බලන්නත් ඔහුට පුළුවන්. සැලිස්බරි වෙත යන්න පුළුවන් හොදම දුම්රිය කීයටද තියෙන්නෙ, බන්ටර්?"

"10.50 ට සැප පහසුකම්වලින් යුත් හොද දුම්රියක් තියෙනවා, මගෙ ස්වාමීනී"

"කරුණාකරලා එ් දුම්රියෙන් යන්න හැමදෙයක්ම සූදානම් කරන්න." පීටර් සාමිවරයා උපදෙස් ලබාදුන්නේය. ඔහු තම නාන කබාය සකසා ගනිමින් තම නිදන කා‍මරය වෙත යාමට සැරසී "එ් වගේම පාකර් ඔබට කරන්න විශේෂ යමක් නැතිනම් ලෙවිගෙ ලේකම්වරයා හමුවීමට ගොස් මේ කෙස් ගහේ පලහිලව්ව විසදා ගන්න බලන්න" යි කීවේය. 

දුම්රියේ ගමන් කරන අතරතුර පීටර් සාමිවරයා විසින් සර් රූබියන් ලෙවිගේ දිනපොත හොදින් කියවන්නට වූයේය. එය ඉතාමත් සරල විය. එමෙන්ම මෑතකාලීන සිදුවීම් වලින් එය පිරී තිබුණි. එය සානුකම්පිත ලියවිල්ලක් වැනි විය. කොටස් වෙළදපොල ගනුදෙනු සමගින් පොරබැදූ මේ මිනිසා සෑම පළාතකම සිය මූල්‍ය එ්කාධිපතිත්වය පතුරුවා හරිමින් ඉතා දරුණු ලෙස ක්‍රියා කළ පුද්ගලයින්ගේ රූකඩයක් ලෙසින් ඔවුන්ගේ ඕනෑ එපාකම් වෙනුවෙන් කටයුතු කර අැති බව පෙනේ. නමුත් ඔහුගේ ගෘහ ජීවිතය සාමකාමී, අහිසංක මෙන්ම යම් ප්‍රමාණයකට උදාසීන වූවක් සේ පෙනේ. කෙසේ නමුත් ඔහුගේ කුඩා ව්‍යාපාර මගින් ඔහුගේ බිරිදටත් දියණියටත් නියමිත වේලාවට තෑගි බෝග ලබාදීමට සමත් වී අැති බව ඔහුගේ වාර්තාවලින් පැහැදිලි වේ. ඔහු දිනපතාම නිවසේ වූ කුඩා සිදුවීම් පවා ලියා තිබේ. උදාහරණ ලෙස "වහලෙ හදන්න මිනිසෙක් අාවා" හෝ අලුතින් ප්‍රධාන මෙහෙකරුවෙක් (සිම්ප්සන්) පැමිණියා" වැනි දේවල් රත්තරන් කන්දක් හමුවූවාක් තරම් වැදගත් සේ ඔහු ලියා අැත. ඔහු එයින් යම් තෘප්තියක් ලැබුවා විය හැකිය. එ් වගේම සියලුම අමුත්තන්ගේ පැමිණීම් හා සාද පිළිබදවද නියමිත පරිදි ලියා තිබේ. ඩෙව්ස්බරි සාමිවරයා, විදේශ සේවා අැමති, වෙෙද්‍ය කේ. ජේබ්ස්, අැමරිකානු නිත්‍ය තානාපති යනාදී සම්භාව්‍ය ගනයේ පුද්ග‍ලයින් සමග වූ විශිෂ්ට දිවා භෝජන සංග්‍රහ මෙන්ම තම ව්‍යාපාර නංවා ගැනීමේ උපායශීලී අරමුණින් යුතුව උසස් මූල්‍ය අායෝජකයින් සමග වූ හමුවීම් යනාදියත් සදහන් කර අැත. එමෙන්ම ඉතාමත් හිතවත් පවුල් සමග වූ හමුවීම් දක්වා අැත්තේ එම පුද්ගලයින්ගේ ක්‍රිස්තියානි නාමයන්ගෙන් හා පටබැදි නාමයන්ගෙනි. මැයි මාසයේදී ලෙවි අාර්ායවගේ ස්නායු තත්ත්වය පිළිබදව සදහන් කර තිබේ. ඉන්පසුව ඉදිරි මාස තුළත් එ් පිළිබදවම දක්වා තිබේ. සැප්තැම්බර් මාසයේදී එය මෙසේ දක්වයි. "ෆ්රේක් මගේ අාදරණීය බිරිදව බලන්න අාවා. අැයට පූර්ණ ලෙස විවේකීව සිටින ලෙස උපදෙස් දුන්නා. ඊට අමතරව සිටින ස්ථානය වෙනස් කරන්නත් කිව්වා. එ් අනුව රේචල් සමග විදේශගත වීමට අැය තීරණය කළා"  

ප්‍රසිද්ධ ස්නායු ශල්‍ය වෙෙද්‍යවරයෙක් මාසෙකට වතාවක් දවල් කෑමට හෝ රාත්‍රී කෑමට සහභාගී වී තිබෙනවා. මෙය පීටර් සාමිවරයාගේ සිතට තදින් කා වැදුනි. ෆ්රේක් කියන්නෙ මේ සම්බන්ධයෙන් උපදෙස් ලබාගන්න පුළුවන් දක්ෂ අයෙක්. එ් වගේම ලෙවිට ඉතාම පහසුවෙන් ඔහුගෙ සහාය ලබාගන්න තිබුණා. "සමහර පුද්ගලයින් තමන්ගේ වෙෙද්‍යවරයාටම කරුණු කියන්න කැමතියි" ඔහු තමාටම මුමුණා ගත්තේය. "දෙවියන්ගෙ නාමෙට සදුදා රාත්‍රියේදී ෆ්රේක්ව මුණගැහෙන්න හිතාගෙන ලෙවි එ් පැත්තෙ නිකමට වගේ ගියා නම් .. ඔන්න එතනදි නම් බැට්ටර්සී සිදුවීමත් එක්ක යම් සම්බන්ධයක් අැති වෙනවා. එහෙම නැද්ද?" ඔහු සර් ජූලියන් හමුවීම සදහා සටහනක් තබා ගනු ලැබීය. අනතුරුව තවදුරටත් දිනපොත කියවාගෙන යන්නට වූයේය. සැප්තැම්බර් 18 වන දින ලෙවි අාර්යාව අැගේ දියණියත් සමගින් දකුණු දිග ප්‍රංශය බලා පිටත් වී තිබෙනවා. හදිසියේම ඔක්තෝම්බර් 5වන දින සටහන සාමිවරයාගේ නෙත ගැටුණි. ඔහු මෙතෙක් සොයමින් සිටියේද මෙයයි. "ගෝල්ඩ්බර්ග්, ස්ක්‍රිනර් හා මිලිගෑන් රාත්‍රී කෑමට පැමිණෙනවා" 

මිලිගෑන් මෙම නිවසට පැමිණ අැති බවට මෙය කදිම නිදසුනකි. මල්ලව පොර සටනකට සූදානම් වන දෙදෙනෙක් අතට අත දී ගන්නවා වගේ. ස්ක්‍රිනර් යනු ඉතා ප්‍රසිද්ධ පින්තූර අලෙවි කරන්නෙකි. පීටර් සාමිවරයා එදින සිදුවීම් උපකල්පනය කරන්නට වූයේය. ඔවුන් අනර්ඝ රාත්‍රී භෝජනයෙන් පසුව ඉහළ මාලයේ අැති චිත්‍ර අැඳීමේ කාමරයට යන්න අැති. එ් වගේම අවුරුදු 16දී මියගිය වැඩිමහල් ලෙවි දැරිවියගේ පින්තූරය නරඹන්නත් යන්න අැති. ඔගස්ටස් ජෝන් විසින් අඳිනු ලැබූ එම සිතුවම නිදන කාමරයේ එල්ලා තිබුණි. රතු හිසකෙස් අැති ලේකම්වරයා ගැන මෙහි කොහේවත් සදහන් වී නොමැත. අැතැම් විට එක් තැනක S ලෙස සටහන් කර තිබුණේ ඔහු ගැන විය හැකියි. එහෙම නොවෙන්නත් පුළුවන්. මීට අමතරව සැප්තැම්බර් ඔක්තෝම්බර් කාලය තුළ අැන්ඩර්සන් (වින්ඩ්හැම්හි) නිතරම පාහේ පැමිණ අැති බව සදහන් වේ. 

පීටර් සාමිවරයා දිනපොතෙන් සිය අවධානය ඉවත් කරගෙන බැට්ටර්සී උද්‍යානයේ අභිරහස ගැන සිත යොමන්නට වූයේය. ලෙවිගෙ මේ සමාගමයන් පහසුවෙන්ම අපරාධයකට අවශ්‍ය වාතාවරණය සපයනවා ... මේක අපරාධයක් නම් .... එ් අනුව මේ අපරාධයට ගොදුරු වූ තැනැත්තා කොහේ ඉන්නවාද කියන එක හොයාගන්න අපහසුයි. අනෙක් ගැටලුවේදී කිසිම උපකල්පනයකට එ්මට නොහැකි තරම් ... තිප්ස්ගෙ නාන බදුනෙ හිටිය හාදයා හදුනාගන්න කවුරුවත්ම ඉදිරියට පැමිණියේ නැහැ ... දැන් කරන්න තියෙන්නෙ මළසිරුරෙ විස්තර රටේ හැම පොලිස් ස්ථානයකටම යවා ඔහුව හදුනන කෙනෙක් හොයා ගන්න එකයි. එම විස්තරයෙ අැතුළත් කරන්න පුළුවන් සම්පූර්ණයෙන්ම මුඩු කළ නිකටක්, මනාව කපන ලද හිසකෙස් සහ නාසික උපැස් යුවලක් සහිතයි කියලා. එහෙමත් නැතිනම් පොලීසියට හොයාගන්න පුළුවන් නැතිවුණ හක්කෙ දත් ටික ... එ් වගේම උස, හමේ පාට සහ අනෙකුත් විස්තර අැතුළත් කරන්න පුළුවන්. කවුරුහරි මේ මනුස්සයාට මේ අපරාධය සිදුකළ තැනැත්තා සමාජයට කිසිදු හිදසක් නොතියා ඔහුව මේ සමාජයෙන් තුරන් කරලා තියෙනවා. 

"මේ මරණයට පත් වී සිටින පුද්ගලයාට සම්බන්ධ දෙයක් හෝ අයෙක් සොයාගන්න නැහැ. අඩුම තරමෙ අැදුමෙන් පවා ඔහු ගැන යමක් සිතාගන්නට අවස්ථාවක් නැහැ. මේක නම් උපකල්පනය කරන්න වටින තරමෙ දෙයක්. නමුත් එසේ උපකල්පන ගොඩනැගීම දුෂ්කර වෙනවාක් මෙන්ම අවිනිශ්චිතයි. අද දින ක්‍රිම්ප්ලෙෂම් මහතාගේ හමුවීමෙන් පසු ඔහුගේ අතීතයට හෝ අනාගතයට බැදි අදුරු සෙවනැල්ලක් වේදැයි හෙළිදරව් කරගැනීමට හැකි වුණොත් හොදයි. කොහොම වුණත්, මේ පුද්ගලයාට සම්බන්ධ අතීත අවස්ථා හාර අවුස්සා බලන්න වෙන්නෙ බොහොම පරිස්සමින්. නාන කාමරයේ සිටි දැනට පොලිස් මෘත ශරීරාගාරයේ සිටින පුද්ගලයා සමග වන සම්බන්ධය දැන ගන්න එක නම් ටිකක් කරන්න අමාරු වැඩක්."

"බන්ටර්" පීටර් සාමිවරයා කීවේය. "මං ඔයාගෙන් ඉල්ලා සිටිනවා මං මේ ගැටලු දෙක එකක් විදිහට හිතන එකෙන් වළක්වන්න කියලා. මේ ගැටලු දෙක මාව ගෙනියන්නෙ එකම මාවතක. එක ගැටලුවක පුද්ගලයා අාගිය අතක් නෑ. අනික් ගැටලුවට සම්බන්ධ පුද්ගලයා අාපු අතක් නෑ. මේක නම් මනසට වද දෙන කරුණක් බන්ටර්. මේ හැම දෙයක්ම ඉවර වුණාට පසුව මට පුළුවන් වෙයි පොලීසියේ පුවත් වලින් අැත්ත කතාව හරියටම දැනගන්න. චාල්ස් ග්රැවිස් කළා වගේ හොදින් රස කරලා කතාව ගොතලා තියෙයි."

* * * 

ප්‍රභූ භෝජනාගාරයක හෝ වයිට් හැට්හි හෝ ඉතා දැකුම්කළු නවාතැන්පළකට ගොස් දිවා අාහාරය ගැනීමට හැකිවුවත් මිල්ෆෝර්ඩ් හිල් වෙත ළගාවීමේ පහසුව සළකා ප්‍රධාන දේවස්ථානයේ භෝජන ශාලාවෙන් දිවා අාහාරය ලබාගැනීමට පීටර් සාමිවරයා කටයුතු කළේය. දිවා අාහාරයෙන් පමණක් නොව සැලිස්බරිහි සෑම අස්සක් මුල්ලක් පුරාම පැතිරුනු අාසන දෙව්මැදුරු සහ පිරිසිදු වාතාශ්‍රය පීටර් සාමිවරයාගේ සිත ප්‍රබෝධමත් කරන්නට සමත් විය. අාහාර නොමැති වුවත් කුඩා යාඥා පොතකින් පවා තෘප්තිමත් වීමට හැකි තරම් මේ නගරය ශාන්ත විය. ඔහු වේටර්වරයා අමතා ක්‍රිම්ප්ලෙෂම්ගේ කාර්යාලය තිබෙන ස්ථානය ගැන විමසීය. වීථියේ කෙලින්ම විරුද්ධ පැත්තේ මදක් උස් ස්ථානයක පිහිටි නිවසක් වේටර්වරයා විසින් පෙන්වන ලදී. "මේ පැත්තෙ ඕනෑම අයෙක් ඉතාම පහසුවෙන් ක්‍රිම්ප්ලෙෂම් මහතා සිටින ස්ථානය පෙන්වාවි. ඔහු මෙහි හොදින් ප්‍රසිද්ධ අයෙක්" යි වේටර්වරයා කීවේය. 

"මං හිතන්නෙ ඔහු නීතීඥවරයෙක් වෙන්න ඕනෙ" පීටර් සාමිවරයා කීවේය. 

"ඔව් අැත්තෙන්ම සර්." වේටර්වරයා කීවේය. "මේ පැත්තෙ මනුස්සයො නම් කියන්නෙ ක්‍රිම්ප්ලෙෂම් මහත්තයා පරණ තාලෙ අයෙක් කියලා. නමුත් මං පෞද්ගලිකවම මගේ පොඩි වැඩක් ඔහු ලවා කරගත්තා. ඔහු ළගට වරින් වර යන එන තරුණ හාදයින්ට වඩා ක්‍රිම්ප්ලෙෂම් මහත්තයාගේ වැඩ හොදයි. නමුත් ඔහු ඉක්මනින්ම විශ්‍රාම යාවි සර්. ඔහුට දැන් වයස 80ක ටත් ළග අැති මයෙ හිතේ. කොහොම වුණත් ඔහුගෙන් පසුව තරුණ වික්ස් මහත්තයා ව්‍යාපාරය ඉදිරියටත් පවත්වාගෙන යාවි. ඔහු නම් කෙලින් වැඩ කරන ප්‍රියමනාප තරුණ මහත්මයෙක්."

"ක්‍රිම්ප්ලෙෂම් මහත්තයා එ් තරම් වයසද?" පීටර් සාමිවරයා විමසීය. "අනේ දෙවියනේ එහෙනම් ඔහු මේ වයසෙදිත් ඉතාමත් කාර්යක්ෂම පුද්ගලයෙක් වෙන්න ඕනෙ. ගිය සතියෙත් නගරයේ සිටින මගේ මිතුරෙක් ඔහුත් සමග ව්‍යාපාර කටයුත්තකට සම්බන්ධ වුණානෙ."

"අැත්තෙන්ම ඔහු ක්‍රියාශීලියි." වේටර්වරයා එකග විය. "ඔහුට හොදින් පාදයෙන් සෙල්ලම් කරන්නත් පුළුවන්. ඔබ පුදුම වේවි. නමුත් සර් මං නිතරම හිතන දෙයක් තමයි පුද්ගලයෙක් නිශ්චිත වයසක් පසු කළාට පසුව ඉතා දැඩිව කටයුතු කරන්න පටන් ගන්නවා කියන එක. කාන්තාවක් වුණත් එහෙමයි කියන්න පුළුවන්."

"ඔව් එහෙම වෙන්න පුළුවන්." පීටර් සාමිවරයා කීවේය. ක්‍රියාශීලී පාද සහිත මේ වයසක මිනිසා මධ්‍යම රාත්‍රියේදී බැට්ටර්සී නිවාස සංකීර්ණයේ වහල මත මළසිරුරත් කරේ තබාගෙන යන හැටි ඔහුගේ සිතේ මැවුනි. 

"ඔහු හරිම දරදඩුයි මහත්මයා ... හරිම දරදඩුයි. ඔහුගෙ මහලු වයසෙදිත් ඔහු හරිම මුරණ්ඩුයි. හරිම දරුණු යක්ෂයෙක් වගේ ..."

"අැත්තෙන්ම සර්" වේටර්වරයා කීවේය. "මං එ් ගැන නම් හරියටම කියන්න දන්නෑ"

"මට සමාවෙන්න" පීටර් සාමිවරයා කීවේය. "මං මේ කවි පෙළක් මුමුණමින් සිටියෙ. අැත්තටම මෝඩයෙක් වගේ මං හැසිරුණා. මේ කියවිල්ල පොඩි කාලෙ ඉදන්ම මගේ පුරුද්දක්. තාම එ් නරක පුරුද්ද නැති කරගන්න බැරිවුණානෙ."

"නෑ සර්" වේටර්වරයා තමාට ලැබුණු නොමසුරු සන්තෝසම සාක්කුවට දමා ගනිමින් කීවේය. "ඔබට ගොඩක් ස්තූතියි සර්. ඔබතුමාට ලේසියෙන්ම නිවස සොයා ගන්න පුළුවන් වෙයි. පෙනී-පාතින්ග් වීථියට කලින් ඔබට එය හමුවේවි. දකුණු පැත්තට දෙපාරක් හැරෙන්න. ඊට පස්සෙ විරුද්ධ අත පැත්තෙ ඔබට නිවස දකින්න ලැබේවි."

"ක්‍රිම්ප්ලෙෂම් X කියලා වැඩේ ඉවරයක් කරලා දාන්න බැරි වෙයිද දන්නෑ" පීටර් සාමිවරයා කීවේය. "මං වැරදි වෙන්නත් පුළුවන් ... නමුත් මට හිතෙන විදිහට ඔහු දුෂ්ට පෙනුමක් අැති අයෙක් වෙන්න ඕනෙ. එ් වගේම මොළේ අතේ තියාගෙන ඉන්න විදිහෙ පණ්ඩිතයෙක් වෙන්න ඕනෙ. එක තැනකට වෙලා දැල වියන මකුළුවෙක් වගේ නොපෙනී සිටිමින් ඔහු හැම අතකටම දැල වියනවා වෙන්න බැරිද බන්ටර්?"

"එහෙමයි මගෙ ස්වාමීනි" බන්ටර් කීවේය. ඔවුන් දෙදෙනා මේ වන විට වීථිය දිගේ ඉදිරියට ගමන් කරමින් සිටියේය. 

"වීථිය කෙළවරේ කාර්යාලයක් තිබෙනවා වගේ." පීටර් සාමිවරයා කීවේය. "මං හිතන්නෙ බන්ටර් ඔබ අර කුඩා සාප්පුවට ගිහින් ක්‍රීඩා සගරා ටිකක් මිලදී ගත්තොත් හොදයි. මම දුෂ්ටයාගෙ ගුහාවට ගිහින් පැය තුන්කාලක් යාමෙන් පසුත් අාවෙ නැතිනම් පමණක් කලින් කියපු විදිහට ඔබ එ් පැත්තට එන්න." 

කී පරිදිම බන්ටර් වෙළදසැල වෙතට හැරුණු. පීටර් සාමිවරයා පාර පැන නීතීඥ කාර්යාලයේ සීනුව නාද කළේය. "සත්‍ය ... මෙහි සත්‍ය නම් මුකුත්ම නැති වෙන්න පුළුවන්. නමුත් හරියටම තහවුරු කරගන්න මේ වැඩේ කරලා බලනවා." ඔහු තමාටම මුමුණා ගත්තේය. ලිපිකරුවෙක් පැමිණ දොර විවර කළ පසු කිසිදු පැකිළීමකින් තොරව තම අාගන්තුක පත්‍රය ඉදිරිපත් කරනු ලැබීය.  

නිසැකයෙන්ම වික්ටෝරියානු යුගයේ මුල්භාගයේ ගෘහ නිර්මාණ ශිල්පයට අනුව සැලසුම් කරන ලද මේ වන තෙක් එහි කිසිදු වෙනසක් සිදු නොකළ කාර්යාල කාමරය තුළ ඉක්මනින්ම ඔහු වෙනුවෙන් අසුන් පනවනු ලැබීය. සිහින් සිරුරක් හිමි දුර්වල පෙනුමක් තිබූ වයසක මහත්මයෙක් හිද සිටි පුටුවෙන් නැගී සිට මදක් කොර ගසමින් ඔහු වෙතට පැමිණියේය. 

"මහත්මයාණනි" නීතීඥවරයා උස් හඩින් කියන්නට විය. "පෞද්ගලිකවම ඔබ මෙහි පැමිණීමට තරම් කොතරම් කරුණාවන්තද. අැත්තෙන්ම ඔබව මේ තරම් අපහසුතාවයට පත් කිරීම ගැන මං ලැජ්ජාවට පත් වෙනවා. මම හිතුවෙ ඔබ මෙතරම් කරදර නොවිද එය මා වෙත ලැබෙන්නට සලස්වාවි කියලා. කරුණාකරලා මෙතනින් අසුන් ගන්න, පීටර් සාමිවරයාණනි" යි පවසමින් මේ තරුණ වංශාධිපතියා දෙස ගෞරවාන්විත බැල්මක් හෙළීය. 

පීටර් සාමිවරයා අසුන් ගත් අතර නීතීඥවරයාද එ් අසලින් හිද ගත්තේය. පීටර් සාමිවරයා කඩදාසි කොළ මත බරට තබා තිබූ වීදුරුව අතට ගෙන එහි තිබූ අැගිලි සළකුණු දෙස ඉතා උනන්දුවෙන් බැලීය. අනතුරුව නැවතත් එය ලියුම් මිටි ගොඩ මධ්‍යයයේ තැබුවේය. 

"එ්කට කමක් නෑ." පීටර් සාමිවරයා කීවේය. "එ්ක එ් හැටි දෙයක් නෙමෙයි. ඔබ වෙනුවෙන් යමක් කරන්න ලැබීම මට සතුටක්. අැත්තෙන්ම කෙනෙක්ගෙ උපැස් යුවළක් නැති වෙනවා කියන එක කොච්චර කරදරයක්ද කියන්න මං දන්නවා."

"ඔව්" නීතීඥවරයා කීවේය. "මේක නැතිව මං කොච්චර අපහසුතාවයට පත්වුණාද කියලා මට සහතික කරලා කියන්න පුළුවන්. අැත්තටම මෙහි චේන් පොට මට හැම දේකටම වඩා වටිනවා. බැල්හැම් ගියාට පසුව උපැස් යුවල නැති බව දැනගත් විට මං ගොඩක් අපහසුතාවයට පත් වුණා. මං දුම්රිය සේවයෙනුත් විමසා බැලුවා. නමුත් වැඩක් වුණේ නෑ. මට බය හිතුනෙ මේක හොරකම් කරන්න අැති කියලා. වික්ටෝරියා වල ලොකු සෙනගක් හිටියා. බැල්හැම් දක්වා ගමන් කරද්දි එ් රිය මැදිරිය මිනිස්සුන්ගෙන් පිරිලා තිබුණේ. ඔබත් එ් දුම්රියේ ගමන් කළ අයෙක්ද?"

"අැත්තෙන්ම නෑ" පීටර් සාමිවරයා කීවේය. "ඔබට හිතාගන්නවත් බැරි තැනකින් තමයි මට එ්ක ලැබුණෙ. ඔබ කැමති නම් මං දැනගන්න කැමතියි ඔබත් සමග එ් ගමනට වෙනත් අයෙක් සම්බන්ධ වුණාද කියලා?" නීතීඥවරයා ඔහු දෙස රවා බැලීය. "කිසිවෙකුත් නෑ." ඔහු පිළිතුරු දුනි. "අැයි ඔබ එහෙම අැහුවෙ?" 

"හොදයි" පීටර් සාමිවරයා කීවේය. "මං හිතුවා සමහර විට ඔබත් සමග පැමිණි පුද්ගලයා විහිළුවට වගෙ මට උපැස් යුවල හමුවුණ ස්ථානයෙන් එය තබන්න අැති කියලා"

නීතීඥවරයා කිසිවක් සිතා ගත නොහැකි ලෙස සාමිවරයා දෙස බැලීය.

"එ් පුද්ගලයා කිව්වද මං ඔහුව හදුනනවා කියලා?" ඔහු විමසීය. "මං දන්න කවුරුවත් නම් ලන්ඩන් වල නැහැ. බැල්හැම්වලදී මං නතර වුණ නැත නම් යාළුවෙක් ඉන්නවා. වෙෙද්‍ය ෆිල්පොට්ස්. මං නම් හිතන්නෑ ඔහු එ් වගේ විහිළුවක් මට කරයි කියලා."

"ඔහු හොදටම දන්නවා උපැස් යුවල නැතිව මං කොච්චර අපහසුතාවයට පත් වෙනවාද කියලා. මං එහි ගියේ මෙඩිලිකොට් හි බැංකුවේ කොටස්කරුවන් සමග වූ ව්‍යාපාරික හමුවකට. එයට සහභාගී වූ අනෙක් පුද්ගලයින් පෞද්ගලකව මං හදුනන අය නෙමෙයි. මං හිතන්නෑ ඔවුන්ගෙන් කිසිම අයෙක් වෙනත් අයෙකුගෙ පෞද්ගලික දේකට අැගිලි ගහයි කියලා. අනෙක් අතට ..." ඔහු තවදුරටත් කියන්නට විය. "උපැස් යුවල නැවතත් මෙහි තියෙනවා. එ් නිසා මට ඔවුන්ගෙන් එ් ගැන විමසන්න වුවමනාවක් වෙන්නෙ නෑ. අැත්තෙන්ම ඔබ මේ ගැන වද වුණාට මං ණය ගැතියි." 

පීටර් සාමිවරයා මදක් පැකිලුණි. 

"මං මෙහෙම හාරා අවුස්සා බලන එක ගැන සමාවෙන්න." ඔහු කීය. "නමුත් මට ඔබගෙන් තවත් ප්‍රශ්නයක් අහන්න සිදු වෙනවා. එ් තමයි ඔබට යම් සතුරෙකු සිටිනවාද? .... මං අදහස් කළේ ඔබගේ මරණයෙන් හෝ ඔබට සිදුවන අවමානයකින් යම් වාසියක් අත් විදින අයෙක් සිටිනවාද?" 

ක්‍රිම්ප්ලෙෂම් මහතා එම ප්‍රශ්නයට විරෝධය පාන බැල්මක් සහිතව ගල් ගැසුනාක් මෙන් හිද සිටියේය. 

"මේ අසාමාන්‍ය ප්‍රශ්නයේ තේරුම දැනගන්න පුළුවන්ද මට?"ඔහු දරදඩු ලෙස විමසා සිටියේය. 

"හොදයි" පීටර් සාමිවරයා කීවේය. "මේ ප්‍රශ්නෙ නම් ටිකක් අසාමාන්‍යයයි තමයි. ඔබට මතක අැති මගේ දැන්වීමෙන් මා අදහස් කළේ චේන් පොට විකුණූ අාභරණ ශිල්පියා සොයා ගැනීමටයි"

"මුලදි නම් මං එ් ගැන පුදුම වුණා" ක්‍රිම්ප්ලෙෂම් මහතා කීවේය. "නමුත් පසුව මම හිතුවා එ් ඔබේ පිළිවෙළ වෙන්න අැති කියලා"

"එහෙම තමයි" පීටර් සාමිවරයා කීවේය. "අැත්තටම මේ කාරණයේදී උපැස් යුවල අයිතිකාර පුද්ගලයා මගේ දැන්වීමට ප්‍රතිචාර දක්වයි කියලා මං හිතුවෙ නැහැ. ක්‍රිම්ප්ලෙෂම් මහත්තයා, ඔබ සමහර විට පුවත්පත්වලින් කියවන්න අැති බැට්ටර්සී උද්‍යානයේ ඛේදවාචකය ගැන. එම මළසිරුරෙ තිබී හමුවුණේ ඔබේ උපැස් යුවලයි. එ් වගේම එය මේ වන විට ස්කොට්ලන්ඩ්යාඩ් පොලීසිය භාරයේයි තියෙන්නෙ. එ් ගැන ඔබට මේ සටහන් වලින් දැනගන්න පුළුවන්" ඔහු උපැස් යුවලේ විස්තරය හා අනෙකුත් කාර්ායලීය සටහන ක්‍රිම්ප්ලෙෂම් මහතා වෙත ලබා දුනි. 

"අනේ දෙවියනේ" නීතීඥවරයා කෑගසන්නට වූයේය. ඔහු කඩදාසිය අතට ගෙන ඊට එඹුණි. අනතුරුව පීටර් සාමිවරයා වෙත සියුම් බැල්මක් හෙලීය. 

"ඔබ පොලීසියේ කටයුතුවලට සම්බන්ධව වැඩ කරන පුද්ගලයෙක්ද?" ඔහු විමසීය. 

"නිල වශයෙන් නම් නෙමෙයි" පීටර් සාමිවරයා කීවේය. "මෙම ගැටලුව ගැන උනන්දුවක් දක්වන පිරිස අතරින් මේ පිළිබදව පෞද්ගලිකවම සොයා බලන්නෙක්"

ක්‍රිම්ප්ලෙෂම් මහතා මේ අවස්ථාවේදී හිද සිටි අසුනින් නැගී සිටියේය. 

"කරුණාවන්ත මහත්මයා" ඔහු කීය. "මේක නම් හරිම අවිනීත ප්‍රයත්නයක්. මෙහෙම තර්ජනය කරන එක නඩු පැවරිය හැකි කරුණක්. මං ඔබව අහු කරලා දෙන්න කලින් කාර්යාලයෙන් පිටවෙන්න කියලා මං කියන්න කැමතියි" ඔහු සීනුව නාද කළේය. 

"මං හිතුවා ඔබ මේක මේ විදිහට භාරගනියි කියලා." පීටර් සාමිවරයා කීවේය. "කොහොම නමුත් මගේ මිත්‍ර රහස් පරීක්ෂක පාකර් ඉදිරි වැඩ කටයුතු බලා ගනියි." ඔහු මේසය මත තිබූ අාගන්තුක පත්‍රය හා විස්තර පත්‍රිකාව අතට ගනිමින් "ක්‍රිම්ප්ලෙෂම් මහත්තයා ඔබට මාව යළි හමුවෙන්න ඕනෙ වුණොත් හෙට උදෑසන වන තෙක් ප්‍රධාන දේවස්ථානයේ නවාතැන්පලේදී මාව හමුවිය හැකි වේවි. 

ක්‍රිම්ප්ලෙෂම් මහතා එය අවඥාවෙන් ඉවත දමා ඔහුව අැතුළට කැදවාගෙන අා ලිපිකරුට කතා කොට "මොහුට පිටවීමට දොරටුව පෙන්වන්න" යි කීවේය. 

අැතුල්වීමේ දොරටුව ළගදී පීටර් සාමිවරයා අැතුළට පැමිණෙමින් සිටි තරුණ උස හාදයෙකුගේ අැගේ හැපුණි. ඔහුව හදුනා ගත් අයුරින් තරුණයා පුදුමයට පත් වුවත් පීටර් සාමිවරයාට නම් ඔහු දුටු පමණින් ඔහු දන්නා බවක් මතකයට නැගුණේ නැත. ඔහු පිටතට පැමිණෙන ගමන් පුවත්පත් අලෙවිසැලේ සිටි බන්ටර් කැදවීය. දුරකතනය හරහා පාකර් සම්බන්ධ කරගැනීමේ අරමුණින් ඔහු හෝටලය බලා ගමන් කළේය. 

මේ අතරතුර තම තරුණ හවුල්කරුවෙගේ අාගමනයෙන් තරහින් පුපුරමින් සිටි ක්‍රිම්ප්ලෙෂම් මහතාගේ කල්පනාවට බාධා විය. 

"කවුරු හරි යම් කරදරේක පැටලිලාද? නැතිනම් අපේ දොර පඩිය මතදි කලබලෙන් පිටවී ගිය ශ්‍රේෂඨ පුද්ගලයා යම්කිසි අලුත් අපරාධයක් ගැන තොරතුරු ගෙනාවාද?"

"එ් අවිනීත පුද්ගලයා මට තර්ජනය කරමින් මාව නින්දිත උගුලකට හසු කරන්නයි හැරසුණේ." නීතීඥවරයා කීවේය. "ඔහු ඔහුව හදුන්වා දුන්නේ නම් පීටර් විම්සේ සාමිවරයා ලෙසයි."

"නමුත් එ් පීටර් විම්සෙ සාමිවරයා තමයි" වික්ස් මහතා කීවේය. "එ්කෙ කිසිම සැකයක් නැහැ. අැටන්බරිහි මරකත මැණික ගැන නඩු විභාගයේදී ඔහු සාක්ෂි ලබාදුන්නා. ඔහු ස්කොට්ලන්ඩ්යාඩ් එකේ වැඩ වලට ගොඩක් උදව් කරන කෙනෙක්"

"අනේ දරුවො" ක්‍රිම්ප්ලෙෂම් මහතටා කියැවුණි. 

තමාට අත්වීමට යන අවාසනාවන්ත ඉරණම ගැන පසුතැවෙමින් ක්‍රිම්ප්ලෙෂම් මහතා දැඩි අපහසුතාවයට පත් විය. එබැවින් ඔහු ප්‍රධාන දේවස්ථානයේ නවාතැන්පල වෙත වික්ස් මහතා පිටත් කරයැවීය. වික්ස් මහතා එහි ළගා වූ පසු මුරකරු විසින් කියා සිටියේ පීටර් විම්සෙ සාමිවරයා සැන්දෑ දේව මෙහෙය වෙනුවෙන් පිටතට ගොස් අැති බවයි. "නමුත් ඔහුගෙ අතවැසි පුද්ගලයා මෙහි රැදී සිටිනවා" ඔහු තවදුරටත් කීය. "ඔබ කැමති නම් ඔහුට පණිවිඩයක් ලබාදෙන්න පුළුවන්"

එසේ පණිවිඩයක් තබා යෑම වඩාත් සුදුසු බව වික්ස් මහතාටද වැටහුණි. මේ අවස්ථාවේදී බන්ටර් මහතා දුරකතන සම්බන්ධතාවයක් ලබාගැනීම උදෙසා දුරකතනය අසල වාඩි වී සිටියේය. එවිටම දුරකතනය නාද විය. ඔහු දුරකතනය අතට ගෙන ඉතා විනීතව කතා කරන්නට වූයේය. 

"හෙලෝ" ඔහු අැමතීය. "මේ පාකර් මහත්තයාද? ඕහ් .. ස්තූතියි. මාරු කරන්න! මාරු කරන්න! සමාවෙන්න. ඔබට පුළුවන්ද ස්කොට්ලන්ඩ්යාඩ් එක හරහා මාව සම්බන්ධ කරන්න. හොදයි ... ස්කොට්ලන්ඩ්යාඩ් ... හෙලෝ මේ ස්කොට්ලන්ඩ්යාඩ් පොලීසියද? ... පාකර් මහත්තායා ඔය අසල ඉන්නවාද? මට පුළුවන් වෙයිද ඔහුට ටිකක් කතා කරන්න ... මට පුළුවන් ටික වේලාවක් රැදී ඉන්න, මහත්මයා .... හෙලෝ ... මේ ඔබද, පාකර් මහත්මයා? ... පීටර් සාමිවරයාණන් ඔබගේ උපකාරය බලාපොරොත්තුවෙන් සැලිස්බරිහි රැදී සිටිනවා. ඔබට මෙහි පැමිණිය හැකි නම් එය ඉතා අගය කොට සළකනවා ... ඕහ් නෑ සර් ... එතුමා හොද ශරීර සෞඛ්‍යයෙන් සිටිනවා. ඔහු මේ දැන් සැඳෑ පූජාවට සහභාගී වීම සදහා පිටව ගියා පමණයි ... ඕහ් නෑ ... මං හිතන්නෙ හෙට උදෑසනින්ම පුළුවන් නම් හොදයි සර්. ස්තූතියි සර්."